ოკუპირებულ ცხინვალის რეგიონში დაკავებული საქართველოს ორი მოქალაქე, თავისუფალია. ამის შესახებ ინფორმაციას სახელმწიფო უსაფრთხოების სამსახური ავრცელებს. პროცესში საქართველოს საერთაშორისო პარტნიორები და ჟენევის საერთაშორისო დისკუსიების თანათავმჯდომარეები იყვნენ ჩართული.
"სახელმწიფო უსაფრთხოების სამსახური განაგრძობს მუშაობას უკანონოდ დაკავებული სხვა პირების გასათავისუფლებლად", - ნათქვამია სუს-ის განცხადებაში.
ოკუპანტებმა საქართველოს 2 მოქალაქე 28 ოქტომბერს გაიტაცეს.