იაშვილის სახელობის ბავშვთა ცენტრალური საავადმყოფოს სამედიცინო დირექტორის ივანე ჩხაიძის განცხადებით, კორონავირუსის მძიმე შემთხვევების თავიდან ასაცილებლად ვაქცინაცია მნიშვნელოვანია.
"ჩვენს ქვეყანაში, "ომიკრონი" სავარაუდოდ დომინანტური ალბათ იანვრის მეორე ნახევარში გახდება. ამ ვარიანტის წინააღმდეგ, ერთადერთი შესაძლებლობა არის ორჯერადი ვაქცინაცია, რათა თავიდან ავიცილოთ არა ინფიცირება, არამედ, მძიმე შემთხვევების განვითარება. სამჯერადი, ბუსტერ დოზით ვაქცინაცია კი საჭიროა, რომ თავიდან ავიცილოთ როგორც მძიმე შემთხვევების განვითარება, ასევე ინფიცირებაც,"- განაცხადა ივანე ჩხაიძემ.
