ონის მუნიციპალიტეტში, საგლოლო - ღების საავტომობილო გზის მე-4 კილომეტრზე მეწყერი ჩამოწვა, რის გამოც მოძრაობა შეუძლებელი იყო.
ონის მუნიციპალიტეტის მერიის ცნობით, ამ დროისთვის საავტომობილო მიმოსვლა აღდგენილია.
"ზამთრის სეზონის დადგომასთან ერთად გააქტიურდა მეწყრული პროცესები, რის გამოც გუშინ ღამით, საგლოლო - ღების საავტომობილო გზის მე-4 კილომეტრზე ჩამოწვა მიწის მასა და მოძრაობა შეუძლებელი გახდა.
დღეს დილიდან აღნიშნულ მონაკვეთებზე გზის წმენდის სამუშაოები აქტიურად დაიწყო და საავტომობილო მიმოსვლა დროულად აღდგა. აღნიშნულ სამუშაოებს შპს „ ონიგზა - 99“ ასრულებდა.
ადგილზე იმყოფებოდნენ რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე გიორგი მაქარაშვილი,, ონის მუნიციპალიტეტის მერი დავით ჩიკვაიძე და გაეცნენ არსებულ ვითარებას.
გზების წმენდის სამუშაოები და მონიტორინგი მომავალშიც გაგრძელდება",- აღნიშნავენ ონის მერიაში
სალომე კაპანაძე
ავტორი