მოძრაობა "სირცხვილიას" აქტივისტები 19:00 საათზე საპროტესტო აქციას აანონსებენ.
„ქუდზე კაცი. ყველანი უნდა მიხვიდეთ პარლამენტის შენობასთან, რადგან მერე იქნება გვიანი", - ამის შესახებ აქცია „სირცხვილიას" ორგანიზატორმა, გიგა მაქარაშვილმა პარლამენტის შენობასთან მას შემდეგ განაცხადა, რაც პარლამენტმა პროპორციულ საარჩევნო სისტემაზე გადასვლასთან დაკავშირებულ საკონსტიტუციო ცვლილებებს კენჭისყრაზე მხარი არ დაუჭირა.
მოძრაობა „სირცხვილიას" და „შეცვალეს" ორგანიზატორები პარლამენტის ცენტრალური შესასვლელის პიკეტირებას გეგმავენ.
„დავიწყებთ, როგორც მინიმუმ ცენტრალური გამოსასვლელის პიკეტირებას. ყველანი უნდა მოხვიდეთ პარლამენტის შენობასთან, რადგან ეს მოღალატეები აღარ გამოვუშვათ შენობიდან ", - განაცხადა მაქარაშვილმა.
