ქართველმა ჯარისკაცმა, ზაურ კომახიძემ, რომელიც ავღანეთში ნაღმზე აფეთქდა 2 წლის შემდეგ ფეხზე გავლა შეძლო.
როგორც ჯარისკაცის ოჯახის ახლობელი სოციალურ ქსელში წერს, სტამბულში ჩატარებულმა ოპერაციამ წარმატებით ჩაიარა და კომახიძემ პირველი ნაბიჯები გადადგა.
"საოცრად სასიხარულო ინფორმაცია სტამბულიდან - 2 წელი საწოლად ჩავარდნილმა ზაურ კომახიძემ ოპერაციის შემდგომ პირველი ნაბიჯები გადადგა ბრავო და მადლობა თქვენ : ბუბა ლომუაშვილი, თავდაცვის სამინისტრო, დაჭრილი მებრძოლების დახმარების ფონდი", – წერს ჯარისკაცის ახლობელი.
ცნობისთვის, 2 წლის წინ ავღანეთში, ბაგრამის საავიაციო ბაზიდან 5 კილომეტრში მომხდარი აფეთქების შედეგად, „მტკიცე მხარდაჭერის“ მისიაში მონაწილე საქართველოს შეიარაღებული ძალების II ქვეითი ბრიგადის 23-ე მსუბუქი ქვეითი ბატალიონის სამხედრო მოსამსახურე, კაპრალი ზაურ კომახიძე დაშავდა.
