კულტურული მემკვიდრეობის სააგენტო რეაბილიტაციის ფარგლებში, გელათის მონასტერს თუნუქის ფილებით გადახურავს. ამის შესახებ გავრცელებულ ინფორმაციას კულტურის მემკვიდრეობის სააგენტოში ადასტურებენ.
სააგენტოში აცხადებენ, რომ თუნუქის ფილებით გადახურვა მხოლოდ დროებითი ღონისძიებაა. მათი თქმით, კარვის პრინციპით გადახურვაზე უარი თქვეს, რადგან ეს დამატებით კონსტრუქციულ დატვირთვას წარმოქმნიდა.
სპეციალისტთა ნაწილის აზრით, გელათში არსებულ ხატებს ტაძრის თუნუქის ფილებით გადახურვა ვერ დაიცავს და ზამთარში შესაძლოა უნიკალური კულტურული ძეგლი კვლავ დაზიანდეს.
