1, 2 და 3 მაისს დასავლეთ საქართველოს ბარში უმეტესად მოსალოდნელია უნალექო ამინდი, 1 მაისს, ზოგიერთ რაიონებში ნავარაუდევია მცირე წვიმა. ჰაერის მინიმალური ტემპერატურა დასავლეთ საქართველოს ბარში ღამით +8°, ხოლო დღისით მაქსიმალური ნიშნული +29° სითბო იქნება.
პირველ მაისს ხანმოკლე წვიმაა მოსალოდნელი დასავლეთ საქართველოს მთიან რაიონებშიც, 2 და 3 მაისი აქაც უნალექოდ ჩაივლის. ღამით ჰაერის მინიმალური ტემპერატურა +4°იქნება, ხოლო დღისით ჰაერის აქაც +27°-მდე გათბება.
აღმოსავლეთ საქართველოს ბარში მაისის პირველი სამი დღე მცირე წვიმას ელოდებიან, ღამით მინიმალური ტემპერატურა +9° ხოლო დღისით +26° გრადუსამდე დაფიქსირდება.
იწვიმებს აღმოსავლეთ საქართველოს მთაშიც. ღამით ჰაერის მინიმალური ტემპერატურა +3°, ხოლო დღისით მაქსიმალური სითბო +25° დაფიქსირდება.
რაც შეეხება დედაქალაქს, თბილისში პირველ და 2 მაისს მცირე წვიმას ელოდევიან, ხოლო 3 მაისს დღე უნალექოდ ჩაივლის. სამდღიან მონაკვეთში, ჰაერის მინიმალური ტემპერატურა ღამით +12° იქნება, დღისით კი მაქსიმალური ნიშნული +26°-ს მიაღწევს.
