ოკუპირებულ აფხაზეთში, გასული დღე-ღამის განმავლობაში კორონავირუსზე ტესტირება 500 ადამიანს ჩაუტარდა, მათგან ვირუსი 109 პაციენტს დაუდასტურდა. ამის შესახებ ინფორმაციას ოკუპირებული აფხაზეთის ე.წ. ჯანდაცვის სამინისტრო ავრცელებს.
სამ კოვიდცენტრში საერთო ჯამში 157 ინფიცირებული პაციენტი მკურნალობს, მათგან 31-ის მდგომარეობა მძიმეა.
პანდემიის დაწყებიდან დღემდე, ოკუპირებულ აფხაზეთში კორონავირუსით ინფიცირების 6 313 შემთხვევაა დადასტურებული, გამოჯანმრთელდა 4 257 ადამიანი და გარდაიცვალა 84.
