საქართველოს პრემიერ-მინისტრი ირაკლი ღარიბაშვილი, რომელსაც დღეს კორონავირუსი დაუდასტურდა, სოციალურ ქსელში წერს, რომ თავს კარგად გრძნობს და მუშაობას დისტანციურ რეჟიმში განაგრძობს.
"ტესტირების შედეგად დამიდასტურდა კორონავირუსი. თავს კარგად ვგრძნობ, ვიმყოფები თვითიზოლაციაში და ვაგრძელებ მუშაობას დისტანციურ რეჟიმში" - ვკითხულობთ ირაკლი ღარიბაშვილის ოფიციალურ facebook გვერდზე.
მთავრობის პრესსამსახურის ცნობით, საქართველოს პრემიერ-მინისტრ ირაკლი ღარიბაშვილს, გეგმური ტესტირების შედეგად, კორონავირუსი დაუდასტურდა.
