რუსთავში, ავტოსაგზაო შემთხვევის შედეგად დაშავებული ახალგაზრდა მამაკაცი გარდაიცვალა.
შემთხვევა, ფიროსმანის ქუჩაზე გუშინ მოხდა. ”მერსედესის” მარკის ავტომობილი ხეს შეეჯახა. დაშავებული უგონო მდგომარეობაში კლინიკა “რუსთავში” გადაიყვანეს, თუმცა მისი გადარჩენა ვერ მოხერხდა.
გარდაცვლილი 23 წლის მორაგბე ნიკოლოზ კევლიშვილია, ის რუსთავის კლუბ „ხარების” მორაგბე იყო.
ინფორმაციას მისი გარდაცვალების შესახებ სარაგბო კლუბი სოციალურ ქსელში ავრცელებს.
