თბილისის საბავშვო ბაგა-ბაღებში რეგისტრაციის მეორე ეტაპი დღეიდან იწყება.
„რეგისტრაცია ორ ეტაპად იყოფა, პირველი ეტაპი გახლავთ პრიორიტეტული ბავშვების რეგისტრაცია, სადაც შვიდი კატეგორია არის, ძირითადად სოციალური სტატუსის მქონე ბავშვები არიან, ხოლო მეორე ეტაპი იწყება 19 ივნისს, 12:00 საათზე ე.წ. საყოველთაო რეგისტრაცია, როცა უკვე ყველა მსურველს შეეძლება ბავშვი დაარეგისტრიროს. პრინციპი არის დასწრებითობის, მოვუწოდებთ მშობლებს, მობილიზებული იყვნენ და წინასწარ გაეცნონ ჩვენი განაცხადის ფორმას, რომელიც არის ჩვენს ვებგვერდზე: kids.org.ge“, – განაცხადა ბაგა-ბაღების მართვის სააგენტოს ხელმძღვანელმა კახა გვანცელაძემ.
ბაღებში რეგისტრაცია პირველი ეტაპი 12 ივნისს დაიწყო.
