ავიაკომპანია „ჯორჯიან ეარვეისი“ კვიპროსის რესპუბლიკის მოქალაქეთა ან ბინადრობის ნებართვის მქონე პირთა საყურადღებოდ განცხადებას ავრცელებს.
კომპანიის ინფორმაციით, კვიპროსის რესპუბლიკის მოქალაქე ან ბინადრობის ნებართვის მქონე პირი, რომელსაც სურს 10 აპრილის ჩარტერული რეისით (თბილისი-ლარნაკა) სარგებლობა, სპეციალური ნებართვის მისაღებად უნდა დაუკავშირდეს კვიპროსის რესპუბლიკის საგარეო საქმეთა სამინისტროსთან არსებულ კრიზისების მართვის ცენტრს: +357 22801000 ან +357 99660129 (არასამუშაო საათებში) ან საბერძნეთის რესპუბლიკაში კვიპროსის რესპუბლიკის საელჩოს: +30 21003734900.
ამასთან, კომპანია მოქალაქეებს სთხოვს, ბილეთის შეძენამდე დარწმუნდნენ, რომ აქვთ ნებართვა, რადგან რეისზე თბილისი-ლარნაკა ბილეთები დაბრუნებას არ ექვემდებარება.
