"ახალგაზრდა კრიმინოლოგთა ჯგუფთან" ერთად საქართველოს პროკურატურამ 4-დღიანი სალექციო კურსი გამართა.
კურსის ფარგლებში კრიმინოლოგები პროკურორის საქმიანობის დღეს გაეცნობიან. ასევე განსაზღვრავენ საზოგადოების როლს დანაშაულის გამოძიებასთან მიმართებით, იმსჯელებენ ქალთა მიმართ გენდერული ძალადობისა და ოჯახში ძალადობის პრაქტიკული ასპექტების შესახებ. ასევე, მიიღებენ ინფორმაციას დანაშაულის კრიმინოლოგიური გაგებისა და სისხლის სამართლებრივი და კრიმინოლოგიური მიდგომების განსხვავებასთან დაკავშირებით.
სალექციო კურსი ინტერაქტიული ხასიათის იქნება, რაც მონაწილეებს აქტიური ჩართულობის საშუალებას მისცემს. კურსის დასრულებისას კი, მონაწილეებს ორენოვანი ციფრული სერტიფიკატები გადაეცემათ.
