ინფიცირებული თბილისის მედიცინის ინსტიტუტის თანამშრომელია. ექიმთან კონტაქტში მყოფი პირები კარანტინში არიან გადაყვანილები. იზოლაციაში იმყოფება კლინიკის დირექტორიც.
ექიმს, რომელსაც კორონავირუსი დაუდასტურდა, საეჭვო სიმპტომები ბოლო რამდენიმე დღის განმავლობაში აღენიშნებოდა.
რაც შეეხება კლინიკაში მყოფი პაციენტებს, ნაწილი, რომლის ჯანმრთელობის მდგომარეობა დამაკმაყოფილებელი იყო, საკარანტინო სივრცეში გადაიყვანეს. ხოლო რამდენიმე მძიმე პაციენტი კლინიკაში რჩება და მათთან კლინიკის ის ექიმები მუშაობენ, რომელთაც ინფიცირებულ ექიმთან შემხებლობა არ ჰქონიათ.
