საქართველოში კორონავირუსი კიდევ ორმა პაციენტმა დაამარცხა. ორივე მათგანი მკურნალობის კურსს თბილისის ინფექციურ კლინიკაში გადიოდა. კლინიკის სამედიცინო დირექტორის მარინა ეზუგბაიას განცხადებით გამოჯანმრთელებული პაციენტებიდან ერთ-ერთი არის ის პაციენტი, რომელიც კლინიკაში შესვლის წუთიდან კრიტიკულ მდგომარეობაში იყო.
ამ დროისთვის ქვეყანაში კორონავირუსისგან გამოჯანმრთელებული 76 პაციენტია. ხოლო ინფიცირებული 340 პაციენტი.
