საქართველოში კორონავირუსით ინფიცირების კიდევ ერთი ახალი შემთხვევა დადასტურდა. ამის შესახებ განცხადება ცოტა ხნის წინ დაავადებათა კონტროლის ეროვნული ცენტრის ხელმძღვანელმა გააკეთა. ამირან გამყრელიძის თქმით ამ დრომდე რეგისტრირებული იყო 23 დადებითი შემთხვევა, დღის მეორე ნახევარში კი ცნობილი გახდა კიდევ ერთი დადებითი პასუხის შესახებ. ამ დროისთვის რეგისტრირებულია 24 ლაბორატორიულად დადასტურებული შემთხვევა.
ამირან გამყრელიძის თქმით ახალი შემთხვევაც დაკავშირებულია იტალიასთან.
ინფორმაცია განთავსდა საქართველოს მთავრობის მიერ შექმნილ ოფიციალურ გვერდზეც: www.stopcov.ge
