26 მარტის 14 საათის მონაცემებით, საქართველოში 4 344 პირი აიცრა, - ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
მათივე ცნობით, ვაქცინაციის გასაკეთებლად 11 273 ადამიანი დარეგისტრირდა.
საქართველოში ხელმისაწვდომია ორი სახის ვაქცინა: ოქსფორდ-ასტრაზენეკა (43200 ერთეული) და პფაიზერ-ბიონტექი (29250 ერთეული).
ჯანდაცვის მუშაკებთან ერთად უკვე 65 წლის და უფროსი პირებიც იცრებიან.
მსურველებს რეგისტრაცია სპეციალურ ვებგვერდზე booking.moh.gov.ge-შეუძლიათ.
