დღეს საქართველოს მართლმადიდებელი ეკლესია საფლავთა კურთხევას აღნიშნავს.
პანდემიის გამო 2-4 მაისს საფლავებზე გასვლა აკრძალულია. თუმცა საპატრიარქომ მღვდელმთავრებს მიმართა, სასაფლაოები სასულიერო პირებმა 3 მაისს აკურთხონ.
5 მაისიდან ეს შეზღუდვა აღარ იმოქმედებს და მოქალაქეებს შეეძლებათ საფლავზე გავიდნენ.
არსებული ტრადიციით, მოქალაქეები მიცვალებულთა საფლავებზე ბრწყინვალე შვიდეულის ორშაბათს გადიან, რათა უფლის აღდგომა მათაც ახარონ. მათ თან პასქა და წითელი კვერცხები მიაქვთ.
