თბილისის მერმა კახა კალაძემ საკუთარი თავი გააშარჟა.
,,ფეისბუქის" პირად გვერდზე, დედაქალაქში მოყინული გზებისა და ტექნიკური მარილის თემას კალაძე ფოტო-მონტაჟით გამოეხმაურა.
ცნობისთვის, ორი დღის წინ, სოციალურ ქსელში გავრცელდა კადრები, სადაც ჩანს, რომ მელიქიშვილის ქუჩაზე, "თბილსერვის ჯგუფის" თანამშრომლები ტექნიკურ მარილს ხელით ყრიან.
მოგვიანებით, კომპანიამ განცხადება გაავრცელა, რომელშიც აღნიშნული იყო, რომ ყველა ქუჩასა და ტროტუარზე, მიწისქვეშა გადასასვლელებსა და მეტრო სადგურების ჩასასვლელებში, ასევე, საფეხმავლო ხიდებზე, ვერ მოძრაობს სპეციალური ტექნიკა და ასეთ ადგილებში მარილი ნიჩბით, ან ხელით იყრება.
თბილისის მერიის ინფორმაციით, მოყინული გზების გასაწმენდად,დედაქალაქის მასშტაბით, 200 ტონაზე მეტი ტექნიკური მარილი იყრება.
