შატილში ახალი სკოლა-პანსიონი გაიხსნა. 20 ბავშვზე გათვლილი, 2-სართულიანი სკოლა-პანსიონი დუშეთის მუნიციპალიტეტის დაკვეთით აშენდა. ინფორმაციას მცხეთა- მთიანეთის მხარე ავრცელებს.
,,სკოლაში მოეწყო სასწავლო, საძინებელი და დამხმარე ოთახები და სველი წერტილები, რომლებიც დაკავშირებულია საევაკუაციო გასასვლელებთან.
შატილის სკოლა-პანსიონი შარშან ოქტომბერში ხანძრის გამო დაიწვა და პანსიონის 7 მოსწავლე დროებით ამბულატორიის შენობაში აგრძელებდა სწავლას. საქართველოს პრემიერ-მინისტრის დავალებით, მთის განვითარების ფონდიდან გამოიყო თანხა ახალი სკოლა-პანსიონის ასაშენებლად.
უსაფრთხოების ნორმების დაცვით, ძირითადი ნაგებობის გარეთ, დამონტაჟდა მყარ საწვავზე მომუშავე გათბობის სისტემა, ხოლო სკოლის მშენებლობისას გამოყენებულია თანამედროვე სტანდარტების მასალა. შენობა ადაპტირებულია შეზღუდული შესაძლებლობის მქონე პირებისათვის", - აღნიშნულია ინფორმაციაში.