დაავადებათა კონტროლის ეროვნული ცენტრი დღეს, უწყებათაშორისი საკოორდინაციო საბჭოს სხდომაზე გაცემული რეკომენდაციების შესახებ ინფორმაციას ავრცელებს.
ცენტრის ცნობით, დღევანდელი უწყებათაშორისი საკორდინაციო საბჭოს სხდომაზე განხილული თემები და რეკომენდაციებია:
" 3 რეგიონში: თბილისში, აჭარასა და რაჭა-ლეჩხუმ და ქვემო სვანეთში, დამატებითი სტიმულების შექმნა, რათა აცრის მაჩვენებელი მოკლე დროში 60%-ს მიუახლოვდეს
ინტენსიური აცრების განხორციელება 10 ყველაზე მსხვილ ქალაქში, სხვადასხვა წამახალისებელი ღონისძიების ფარგლებში
აგრესიული საკომუნიკაციო კამპანიის განხორციელება მთელი ქვეყნის მასშტაბით
ე.წ მწვანე პასპორტის შემოღება
მარათონის გაგრძელება, ამ ეტაპისთვის კონცენტრირებულად ორ მუნიციპალიტეტში: ოზურგეთსა და გურჯაანში, იმ მიზნით, რომ აცრის მაჩვენებელმა მოკლე დროში 60%-ს მიაღწიოს
ხალხმრავალი შეკრებების თავიდან აცილების მნიშვნელობა
რიკს ჯგუფში მყოფი მოქალაქეების გრიპის საწინააღმდეგო აცრის აუცილებლობა
12-15 წლის ბავშვებზე COVID-19-ის საწინააღმდეგო ვაქცინაციის სრულად დაშვება (განიხილება იმუნიზაციის საბჭოზე)
აქვე უნდა აღინიშნოს, რომ შეიცვალა პანდემიის მართვის მოდელი, სადაც აღარ განიხილება ლოქდაუნები და სატრანსპორტო შეზღუდვები" - აცხადებენ დაავადებათა კონტროლის ეროვნულ ცენტრში.