კორონავირუსით მღვდელი დავით მაჩიტაძე გარდაიცვალა. სასულიერო პირი 44 წლის იყო. ამის შესახებ ინფორმაციას ,,მსოფლიო საეკლესიო სიახლენი" ავრცელებს.
,,სამწუხაროდ, კორონავირუსმა კიდევ ერთი მართლმადიდებელი სასულიერო პირის სიცოცხლე იმსხვერპლა. გარდაიცვალა მღვდელი დავით მაჩიტაძე. იგი სულ ახლახან, მიმდინარე წლის 19 ნოემბერს შესრულდა ორმოცდაოთხი წლის. უფალმა შეიწყალოს და სასუფეველში დაამკვიდროს მისი უკვდავი სული. ვუსამძიმრებთ მამა დავითის ოჯახს, მრევლსა და ახლობლებს", - აღნიშნულია ინფორმაციაში.
