"ტაბულას" დამფუძნებელი თამარ ჩერგოლეიშვილი სოციალურ ქსელში საქართველოში კორონავირუსის საწინააღმდეგო ვაქცინაციის საკითხს ეხმაურება.
როგორც ჩერგოლეიშვილი "ფეისბუქის" პირად გვერდზე წერს, სამედიცინო სფეროში დასაქმებულების აცრა სავალდებულო უნდა გახდეს.
"სამედიცინო დაწესებულებებმა, სააფთიაქო ქსელებმა და ა. შ. თანამშრომლების აცრა უნდა გახადონ სავალდებულო.
ორმაგი ეფექტი ექნება ამას, ექიმების და პერსონალის ხარისხიც გაუმჯობესდება.
რაც ნაკლები შავრაზმელი მჩხიბავია სამედიცინო სფეროში, მეტად დაცულია პაციენტი (გარდა იმისა, რომ კოვიდისგანაც მეტად დაცულია)", - წერს თამარ ჩერგოლეიშვილი სოციალურ ქსელში.
