საქართველოს თავდაცვის ძალების კიბერუსაფრთხოების ბიუროს გუნდმა აშშ-ის სხვადასხვა შტატების ეროვნული გვარდიებისა და სხვა მონაწილე ქვეყნებისგან შემდგარ 12 გუნდთან ერთად კიბერსწავლება "პეინტბოლ 2021"-ში მიიღო მონაწილეობა. საქართველოს გუნდმა მე-2 ადგილი დაიკავა.
"აღნიშნული კიბერსავარჯიშო ხელს უწყობს, როგორც მონაწილეების ტექნიკური უნარ-ჩვევების შემოწმებასა და განვითარებას, ასევე ურთიერთობების გაღრმავებას მიჩიგანის შტატის ეროვნულ გვარდიასა და მის საერთაშორისო პარტნიორებს შორის", - აცხადებენ თავდაცვის სამინისტროში
სწავლება რეალური გარემოს იმიტირების გზით ითვალისწინებდა სხვადასხვა სახის კიბერუსაფრთხოების ოპერაციების წარმოებას, რაც ზრდის ბიუროს ტექნიკური პერსონალის შესაძლებლობებს და ჯამში პოზიტიურ გავლენას ახდენს საქართველოს თავდაცვის სამინისტროს კიბერშესაძლებლობებზე.
