თბილისში, გრიგოლ ხანძთელის ცხრა ნომერში, იტალიურ ეზოში ხანძარი გაჩნდა. ცეცხლი საცხოვრებელი სახლის სასხვენო გადახურვას ეკიდა.
როგორც საგანგებო სიტუაციების მართვის სამსახურში report.ge-ს განუცხადეს, 12 ადამიანის ევაკუაცია განხორციელდა, ისინი უსაფრთხო ადგილზე გადაიყვანეს.
უწყების ცნობით, ხანძარი ამ დროისთვის ლიკვიდირებულია, შემთხვევის შედეგად არავინ დაშავებულა.
ხანძრის გამომწვევი მიზეზი უცნობია.