საქართველოს ტექნიკური უნივერსიტეტის სტუდენტებმა, რექტორის თანამდებობიდან დავით გურგენიძის გადადგომის მოთხოვნით შიმშილობა დაიწყეს.
როგორც სტუდენტები აცხადებენ, მათი პროტესტი იქამდე გაგრძელდება, ვიდრე დავით გურგენიძე დაკავებულ თანამდებობას არ დატოვებს.
"საქართველოს ტექნიკური უნივერსიტეტი სტუდენტები გამოვხატავთ პროტესტს, ლექტორის დავით გურგენიძის მიმართ. ის არის არაერთხელ ნასამართლევი და არ იმსახურებს იმ ადგილს სადაც ახლა არის. ჩვენ გადავდივართ პროტესტის უკიდურეს ფორმაზე - შიმშილობაზე და სანამ ეს ადამიანი არ დატოვებს დაკავებულ თანამდებობას, ჩვენ ვიქნებით უნივერსიტეტის შენობაში", - განაცხადა აქციის მონაწილემ.