თელავში ცენტრალური ნაძვის ხის ერთი ნაწილი დაიწვა. ადგილობრივი მედიის ცნობით დაზიანებულია ნაძვის ხის კენწერო და ილუმინაციები.
ადგილზე სახანძრო-სამაშველო ჯგუფი გამოიძახეს, რომელმაც ხანძარი დროულად ჩააქრო. თვითმხილველების თქმით ხეს სავარაუდოდ ფეიერვერკი ესროლეს.
„ქალაქის მთავარი ნაძვის ხის წვეროს გაუჩნდა ცეცხლი. წინასწარი ინფორმაციით, შემთხვევა ფეიერვერკის სროლის შედეგად მოხდა. გამომწვევ მიზეზებს ვადგენთ და შესაბამისად ვიმოქმედებთ“- განაცხადა თელავის მუნიციპალიტეტის საკრებულოს თავმჯდომარე, თენგიზ მთვარელიშვილმა.