თელავის მუნიციპალიტეტის სოფელ შილდაში ავტოავარიის შედეგად ქვეითად მოსიარულე არასრულწლოვანი დაიღუპა.
ავტოსაგზაო შემთხვევა გვიან ღამით მოხდა. არასრულწლოვანს სატვირთო ავტომობილი დაეჯახა და მიღებული დაზიანებების შედეგად ადგილზე გარდაიცვალა.
სატვირთო ავტომობილის მძღოლი უკვე დაკავებულია.
როოგორც Report.ge-ს შსს-ში განუცხადეს, საქმეზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც სატრანსპორტო საშუალების მოძრაობის ან ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
