აბაშის მუნიციპალიტეტის, სოფელ მარანსა და ტყვირში, ეპიდვითარების გაუარესების გამო, მასობრივი თერმოსკრინინგი და ტესტირება მიმდინარეობს.
სამეგრელო-ზემო სვანეთის სამხარეო ადმინისტრაციის ინფორმაციით, დღეს ტესტირება 200-მდე ადამიანს ჩაუტარდა და 30 შემთხვევაში პასუხი დადებითია.
ეპიდემიოლოგთა ჯგუფებთან ერთად, თერმოსკრინინგის ჩატარების პროცესში სამართალდამცავებიც მონაწილეობენ. სოფლების ჩაკეტვასთან დაკავშირებით ჯერჯერობით საუბარი არ არის.