ჩოხატაურში, ქვის სატეხ საამქროში უბედური შემთხვევის შედეგად 33 წლის მამაკაცი გარდაიცვალა. შემთხვევა წუხელ, გვიან ღამით მოხდა.
გავრცელებული ინფორმაციით, მამაკაცი დანადგარის წმენდის დროს დაშავდა. ის საავადმყოფოში გადაყვანიდან მალევე გარდაიცვალა.
შინაგან საქმეთა სამინისტრომ გამოძიება სსკ-ის 240-ე მუხლით დაიწყო, რაც გულისხმობს უსაფრთხოების წესის დარღვევას სამთო, სამშენებლო ან სხვა სამუშაოს წარმოებისას, რამაც გამოიწვია სიცოცხლის მოსპობა.
