ვაკვირდებით ეპიდსიტუაციას და აღდგომის დღესასწაულებთან დაკავშირებით,საპატრიარქოსთან კონსულტაციის შემდეგ მივიღებთ გადაწყვეტილებას, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
გამყრელიძემ მოქალაქეებს მოუწოდა, რომ აღდგომის დღესასწაულები მოკრძალებულად აღნიშნონ.
"ვაკვირდებით ეპიდსიტუაციას, იქნება კონსულტაციები საპატრიარქოსთან და ამის შემდეგ იქნება მიღებული გადაწყვეტილებები. მაგრამ, წინასწარ გთხოვთ და გეტყვით ყველას, რომ ვიყოთ ძალიან მორიდებული და მოკრძალებული წლევანდელ აღდგომის დღესასწაულებთან მიმართებაში", - განაცხადა ამირან გამყრელიძემ.
