თბილისში, დიდუბეში, 22 წლის გოგო საცხოვრებელ სახლში დედამ გარდაცვლილი იპოვა.
უბედური შემთხვევის მიზეზი, სავარაუდოდ, არასწორად დამონტაჟებული გაზის გამათბობელი გახდა.
22 წლის გოგო სახლში მარტო იმყოფებოდა.
როგორც შინაგან საქმეთა სამინისტროში report.ge-ს განუცხადეს, მომხდარზე გამოძიება სისხლის სამართლის კოდექსის 240-ე პრიმა მუხლით დაიწყო, რაც ელექტრო- ან თბოენერგიის, გაზის, ნავთობის ან ნავთობპროდუქტების ობიექტის განლაგების, დაპროექტების, მშენებლობის ან ექსპლუატაციის დროს უსაფრთხოების წესების დარღვევას გულისხმობს.
