წყნეთის, კოჯრის, კიკეთის, წავკისის, ბეთანიის დასახლებებს, ასევე, სოფლებს - სამადლოსა და დიდებას წყალმომარაგება ავარიულად შეუწყდა. მიზეზად "ჯორჯიან უოთერ ენდ ფაუერში" ბაგებში, სამხარაულის სახელობის სასამართლო ექსპერტიზის ეროვნულ ბიუროსთან წყალმომარაგების მაგისტრალური ქსელის ავარიულად დაზიანებას ასახელებენ.
ამ ეტაპზე, ტექნიკური ჯგუფები ქსელზე აღდგენით სამუშაოებს ატარებენ.
კომპანიის ცნობით, წყალმომარაგება დღეს, 10 იანვარს, საღამოს 20:00 საათიდან აღდგება.
