მომავალი თვიდან კორონავირუსზე ვაქცინაციის ტემპი და მასშტაბი გაიზრდება. ამის შესახებ დაავადებათა კონტროლის ცენტრის ხელმძღვანელმა ამირან გამყრელიძემ განაცხადა.
მისი თქმით, ივლისიდან ყოველდღიურად 20-25 ათასი აცრა უნდა გაკეთდეს.
"თუ დღეს ჩვენ, ივნისში, ყოველდღიურად 5 800-6 000 ვაქცინას ვაკეთებთ ქვეყნის მასშტაბით, ივლისიდან ეს უნდა ავიდეს, დაახლოებით, 20-დან 25 ათასამდე. ამისთვის, შესაბამისი მარაგები, დიდი ალბათობით, გარანტირებულია."- განაცხადა ამირან გამყრელიძემ.
