თბილისში, ვაშლიჯვარში მიწის ნაწილი ჩამოიშალა. შემთხვევა საბავშვო ბაღთან ახლოს, გვიან ღამით მოხდა. ინციდენტის დროს არავინ დაშავებულა.
როგორც თბილისის მერიაში report.ge-ს განუცხადეს, მიწა სამშენებლო მოედანზე ჩამოიშალა. ინციდენტი ვაშლიჯვრის მეწყრულ ზონასთან ახლოს არ მომხდარა.
მათივე ცნობით, მუნიციპალური ინსპექცია გადის ადგილზე და შეისწავლის ვითარებას, რამ გამოიწვია მიწის ჩამოშლა.