დილიდან მდინარე მტკვარში მაშველები ახალგაზრდა კაცს ეძებენ.
საძიებო სამუშაოებში სამაშველო 9 ჯგუფია ჩართული.
მიმდინარეობს წყლის ზედაპირის და ფსკერის დათვალიერება.
31 წლის დაკარგული მამაკაცის, ვეფხვია ხაჩიძის კვალი მტკვრის მარცხენა სანაპიროზე ქრება. ის ბოლოს, სავარაუდოდ, გუშინ ნახეს.
დაკარგულის მამა აცხადებს, რომ მის შვილს პრობლემები არ ჰქონია. მამის ინფორმაციით, მისი შვილი სახლიდან გამოსვლის დროს ალკოჰოლური ზემოქმედების ქვეშ არ იმყოფებოდა. სახლიდან გასვლისას მან თქვა, რომ მალე დაბრუნდებოდა.
შსს-ს მომხდარზე გამოძიება 143-ე, თავისუფლების უკანონოდ აღკვეთის მუხლით დაიწყო.