გუდაური-კობის გზაზე შეზღუდვები ნარჩუნდება, - ამის შესახებ report.ge-ს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტში განუცხადეს.
,,ამ ეტაპზე შეზღუდვა ნარჩუნდება მხოლოდ მისაბმელიანიებისთვის და ნახევრადმისაბმელიანებისთვის. უახლოეს საათებში აღდგება მოძრაობა ყველა ტიპის ტრანსპორტისთვის", - განუცხადეს report.ge-ს გზების დეპარტამენტში.
თოვის გამო, საერთაშორისო მნიშვნელობის მცხეთა–სტეფანწმინდა–ლარსის (რუსეთის ფედერაციის საზღვარი) საავტომობილო გზის გუდაური-კობის მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა.
საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.
შეზღუდვები გუდაური-კობის გზაზე, 31 ოქტომბერს, ღამით დაწესდა.
შორენა სურმანიძე
ავტორი