აჭრაში საავტომობილო გზების გაწმენდითი სამუშაოები რამდენიმე ძირითად მიმართულებაზე დასრულდა და მოძრაობა აღდგენილია.
აჭარის საავტომობილო გზების დეპარტამენტის ინფორმაციით, ინტენსიური მუშაობის შედეგად, ხულოს მუნიციპალიტეტში ღორჯომი-ლაბეიძეებისუბანის და ჩაოს გზის, შუახევის მუნიციპალიტეტში ჭვანა-ცივაძეები-ქარცივაძეების და ქობულეთის მუნიციპალიტეტში ქობულეთი-ჭახათი-ცხემვლანა, ჭახათი-ნათაბიარის საავტომობილო გზების გაწმენდითი სამუშაოები დასრულებულია და საავტომობილო მოძრაობა აღდგენილია.
უწყების ცნობით, ქედის მუნიციპალიტეტში მერისი-სიხალიძეების მიმართულებით აქტიურად გრძელდება გაწმენდითი სამუშაოები და დღის ბოლომდე აღდგება ტრანსპორტის მოძრაობა.
ცნობისთვის, 24 მარტს , აჭარის რამდენიმე მუნიციპალიტეტში მეწყრული პროცესები განვითარდა და საავტომობილო გზები ჩაიკეტა.
სალომე კაპანაძე
ავტორი