სამოქალაქო აქტივისტებმა სასტუმროს, სადაც რუსი ჟურნალისტი ვლადიმერ პოზნერი მეგობრებთან ერთად იმყოფება, ელექტროენერგია გაუთიშეს.
სასტუმროს შენობასთან საპროტესტო აქცია ამ დრომდე მიმდინარეობს. ადგილზე მობილებულნი არიან სამართალდამცველებიც.
როგორც აქციის მონაწილეები აცხადებენ, ვლადიმერ პოზნერის ადგილი საქართველოში არ არის და მან ქვეყანა უნდა დატოვოს.
ამ წუთებში, რუსი ტელეწამყვანი დელეგაციის სხვა წევრებთან ერთად სასტუმრო ,,ვინოტელში" ვახშმობს.
ცნობისთვის, ვლადიმერ პოზნერი საქართველოში დაბადების დღის აღსანიშნავად ჩამოვიდა.
