ყურადღებით ვადევნებთ ჩვენს მეზობელ ქვეყნებში ეპიდსიტუაციას თვალს, - ამის შესახებ განცხადება დაავადებათა კონტროლის ეროვნული ცენტრის ხელმძღვანელმა გააკეთა. ამირან გამყრელიძის თქმით ჯერჯერობით გავრცელების მაჩვენებელი საქართველოსთან მოსაზღვრე ქვეყნებში დიდია.
რაც შეეხება საქართველოს, ქვეყანა რჩება დაბალი გავრცელების მაჩვენებლით. მისივე თქმით საქართველოს განიხილება "მწვანე ზონად" , შესაბამისად საკოორდინაციო საბჭომ მიიღო გადაწყვეტილება ღონისძიებების შემსუბუქების.
"ხვალიდან ამუშავდება საზოგადოებრივი ტრანსპორტი მეტროს ჩათვლით, რაც მნიშვნელოვანი ნაბიჯია შემსუბუქების პოლიტიკის განხორციელებაში. ასევე გაიხსნება რესტორნები და მაღაზიები, ერთი კვირის შემდეგ კი დაგეგმილია დიდი მოლების გახსნა. 1 ივლისიდან დაგეგმილია, რომ დაიწყოს პირველი საერთაშორისო მოგზაურობები ქვეყანაში. ამ ეტაპზე ჩვენი ქვეყანა განიხილება, როგორც მწვანე ზონა,"-განაცხადა ამირან გამყრელიძემ.