ავსტრიაში საქართველოს საელჩოს შენობაში თანამედროვე სტანდარტების საკონსულო მომსახურების ცენტრი გაიხსნა. ის დღეს საგარეო საქმეთა მინისტრმა, დავით ზალკალიანმა მოინახულა. ცენტრი აღჭურვილია საკონსულო მომსახურებისთვის საჭირო ტექნიკით. ე.წ. ფრონტ-ოფისს ერთდროულად ორი მოქალაქის მიღება შეუძლია. მისი თქმით, სახელმწიფოს და საზღვარგარეთ საქართველოს დიპლომატიური წარმომადგენლობების ერთ-ერთი მთავარი ამოცანაა გააუმჯობესოს ადგილზე მოქალაქეთა მომსახურება.
„საგარეო უწყება გადადის საკონსულო მომსახურების თანამედროვე ცენტრების შემოღებაზე, რაც ეტაპობრივად ყველა დიპლომატიურ წარმომადგენლობაში დამკვიდრდება“, - განაცხადა ზალკალიანმა.
სამინისტროს ცნობით, საკონსულო ცენტრში დაცულია უსაფრთხოების საჭირო სტანდარტები. მოსაცდელი და მისაღები სივრცე მორგებულია მოქალაქეთა საჭირო მოთხოვნებს.
