თავში

ბოლო 24 სააათში 131 სამედიცინო პერსონალი დაინფიცირდა

ბოლო 24 სააათში 131 სამედიცინო პერსონალი დაინფიცირდა

დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, ბოლო 24 საათში საქართველოში გამოვლენილი კორონავირუსის 1759 შემთხვევიდან 131 სამედიცინო პერსონალია.

მისივე განცხადებით, მედპერსონალის ინფიცირება მხოლოდ პროფესიული საქმიანობის განხორციელებისას არ მომხდარა.

„სამწუხაროდ, გვიინფიცირდება სამედიცინო პერსონალი. მათი რაოდენობა 131-ია, მათ შორის არიან ექიმები, ექთნები და უმცროსი სამედიცინო პერსონალი. ცნობილი ფაქტია, რომ ამ ინფექციის დროს ყველაზე მოწყვლადი ჯგუფი ვართ ჩვენ, სამწუხაროდ. ეს არ არის მხოლოდ პროფესიული საქმიანობის დროს ინფიცირება“, – განაცხადა ამირან გამყრელიძემ.

ცნობისთვის, გასული დღე-ღამის განმავლობაში საქართველოში კორონავირუსის 1,759 ახალი შემთხვევა გამოვლინდა.

გამოჯანმრთელდა 350 პაციენტი და გარდაიცვალა 5.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

ეს ახალი ამბები სხვა ენებზეც ხელმისაწვდომია:

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system