ფოლადაანთ კარის საშუალო სკოლის ოფიციალური გვერდი კოდონავირუისთ გარდაცვლილი 34 წლის მასწავლებლის შესახებ სოციალურ ქსლეში სამძმარს აქვეყნებს.
"ფოლადაანთკარის საჯარო სკოლა უდიდეს მწუხარებას გამოთქვამს ჩვენი საყვარელი მასწავლებლის, საუკეთესო თანამშრომელისა და მეგობრის, მაიკო წიკლაურის გარდაცვალების გამო. ჩვენო საყვარელო მაიკო, ჩვენო უდიდესო ტკივილო, რომელი სიტყვები გამოხატავს იმ უკიდეგანო ტკივილს, რასაც შენი დაკარგვით განვიცდით პირველივე დღიდან შენთვის და შენი პატარასთვის ვლოცულობდით, ერთმანეთს ყოველწუთს ვაიმედებდით და დღემდე გვჯეროდა რომ დაამარცხებდით ამ ვერაგ დაავადებას. თუმცა დავმარცხდით შენ ვეღარ გაუძელი ამ ბრძოლას და დანებდი... ამბობენ ღმერთის ნებაა ყველაფერიო და ღმერთმა გაანათლოს თქვენი უმანკო სულები...“ - ვკითხულობთ გვერდზე.
ორსული ქალი, რომელიც ჩვილთან ერთად დღეს კორონავირუსით საავადმყოფოში გარდაიცვალა, 34 წლის მაიკო წიკლაურია. ის გასული წლის აგვისტოში დაქორწინდა და 7 თვის ფეხმიძმე იყო.
მაიკო წიკლაური ფოლადაანთ კარის საჯარო სკოლაში ხელოვნებას ასწავლიდა, ის სერთიფიცირებული პედაგოგი იყო.
ბოკერიას კლინიკის კლინიკურმა დირექტორმა ალექსი ვაჭაძემ Report.ge-ს განუცხადა, რომ 34 წლის ქალი საავადმყოფოში სუნთქვის უკმარისობით გადაიყვანეს. ჯანმრთელობის მდგომარეობის გაუარესების გამო კი გადაწყდა მისი რეანიმაციულ განყოფილებაში გადაყვანა.
ამის შემდეგ, დამძიმდა ჩვილის მდგომარეობაც, რის გამოც საკეისრო გაკვეთა ჩატარდა. ვერც ჩვილის და ვერც დედის გადარჩენა მოხერხდა.
"ახალგაზრდა კოვიდდადებითი ქალი, რომელიც ჩვენთან სუნთქვის უკმარისობით მოვიდა, თავიდანვე ჟანგბადამოკიდებული იყო. ამასთან, იყო 29-30 კვირის ორსული. იქიდან გამომდინარე, რომ თავიდან მისი მდგომარეობა კრიტიკული არ იყო, გადავიყვანეთ სამიანო განყოფილებაში და შემდეგ, როდესაც მისი მდგომარეობა მკურნალობის მიუხედავად დამძიმდა და დასჭირდა ხელოვნური ვენტილაცია, გადმოვიდა ჩვენთან, ბოკერიას სახელობის კლინიკაში. ამავდროულად ტარდებოდა მუცლად მყოფი ბავშვის მონიტორინგი რეანიმაციულ განყოფილებაში. როდესაც ბავშვის მდგომარეობა ისე გაუარესდა, რომ იყო ძალიან კრიტიკული გადაწყდა სასწრაფო საკეისრო კვეთის გაკეთება. ბავშვი ამოვიყვანეთ მუცლიდან, მაგრამ მასაც სუნთქვის უკმარისობა ჰქონდა და გადავიყვანეთ ხელოვნურ ვენტილაციაზე. სამწუხაროდ რამდენიმე დღეში ბავშვი გარდაიცვალა. დედის მდგომარეობაც დამძიმდა ძალიან, დასჭირდ ორგანოჩანაცვლებითი თერაპია, თირკმელის უკმარისობა წამოვიდა და დავიწყეთ დიალიზი. სამწუხაროდ გუშინ, 6 რიცხვში, მიუხედავად დიდი ძალისხმევისა გოგონა გარდაიცვალა", - განაცხადა ექიმმა.
