მაკა სოლოღაშვილი ადასტურებს, რომ მედიკოსი, რომელიც პარალელურად საგარეჯოს საავადმყოფოშიც მუშაობს და რომელსაც კორონავირუსი დაუდასტურდა, ბოჭორიშვილის კლინიკის თანამშრომელია. კლინიკის სამეთვალყურეო საბჭოს თავმჯდომარე აცხადებს, რომ დაინფიცირებულ ექთანს დღეს ოქროს სტანდარტით კიდევ ერთხელ ჩაუტარდება ტესტირება. რაც შეეხება მასთან კონტაქტში მყოფ პირებს, ისინი კარანტინში იმყოფებიან. მაკა სოლოღაშვილის განცხადებით რთულია ინფიცირების წყაროს დადგენა და იმის განსაზღვრა მოხდა თუ არა ექთნის დაინფიცირება ბოჭორიშვილის კლინიკაში.
შეგახსენებთ, რომ გუშინ საგარეჯოს „ჯეო ჰოსპიტალსის“ ექთანს კორონავირუსი დაუდასტურდა. მისი ინფიცირების შესახებ მას შემდეგ გახდა ცნობილი, რაც მედიკოსებს გეგმიური ტესტირება ჩაუტარდათ.
