ე.წ. ციანიდის საქმეზე მსჯავრდებულმა დეკანოზმა გიორგი მამალაძემ საკანში შიმშილობა დაიწყო. ინფორმაციას ამის შესახებ მისი ერთ-ერთი ადვოკატი ნიკა გვარამია ავრცელებს. როგორც გვარამია სოციალურ ქსელში წერს, მან მოინახულა მსჯავრდებული, რომელმაც პრეზიდენტის გადაწყვეტილების შემდეგ შიმშილობა დაიწყო. გვარამიას ინფორმაციით დეკანოზის ჯანმრთელობის მდგომარეობა მძიმეა. მას საუბარი უჭირს და პარალიზებულ მხარეს კიდურები დაუწვრილდა.
შეგახსენებთ, რომ დღეს პრეზიდენტმა შობის დღესასწაულთან დაკავშირებით 5 პატიმარი შეიწყალა, მათშორის დეკანოზი გიორგი მამალაძე არ აღმოჩნდა.
