თბილისში, დიდ დიღომში წყალდიდობის გამო სახლების პირველი სართულები დაიტბორა. შენობაში, სადაც ბერი ანდრიას ფონდია განთავსებული, წყალი შევარდა. ვიდეო სოციალურ ქსელში, ფონდის გვერდზე ვრცელდება.
შენობაში სიმსივნით დაავადებული ბავშვები იმყოფებიან.
ცნობისთვის, დედაქალაქში მოსული უხვი ნალექის გამო დატბორილია დიდი დიღმის რამდენიმე ქუჩა.
სოციალურ ქსელში ვრცელდება ფოტოები და ვიდეოები, სადაც ჩანს დატბორილი ქუჩა და მანქანები, რომელიც წყალს მიაქვს და ერთმანეთს ეჯახება. დატბორილია საცხოვრებელი სახლების პირველი სართულები.
საგანგებო სიტუაციების მართვის სამსახურში აცხადებენ, რომ უხვი ნალექის შედეგად გამოწვეული პრობლემების გამო, დიდ დიღომსა და სოფელ დიღომში ამჟამად 17 ჯგუფი მუშაობს.
