"გმირი მაშველები"- სოციალურ ქსელში იმ მეხანძრე- მაშველების ფოტო ვრცელდება, რომლებმაც 12 მარტს გომის მთაზე სამი ადამიანის სიცოცხლე გადაარჩინეს. ფოტოს ანა კიშინსკა ავრცელებს.
გომის მთაზე სამაშველო ოპერაცია დღეს დასრულდა, მეხანძრე- მაშველებმა თოვლიდან ახალგაზრდა მამაკაცის ცხედარიც ამოიყვანეს.
საგანგებო სიტუაციების მართვის სამსახურის ცნობით, ამოყვანის ოპერაცია გათენებისთანავე განახლდა. გურიაში ჩავიდნენ განსაკუთრებულ საქმეებზე სწრაფი რეაგირების ბაზის მეხანძრე-მაშველები და კინოლოგი. ქუთაისიდან გომის მთის მიმართულებით გაფრინდა ვერტმფრენი, რომლის დახმარებითაც მოხდება მიცვალებულის გადმოსვენება. თოვლიდან ცხედრის ამოყვანის ოპერაციაში ჩართული იყო 45 მეხანძრე-მაშველი, როგორც გურიიდან, ასევე, თბილისიდან და ქუთაისიდან.
შეგახსენებთ, რომ გომის მთაზე უამინდობის გამო ერთი მოქალაქე გაიყინა, ხოლო მისი თანმხლები სამი პირი ვეღარ ახერხებდა გადაადგილებას.
10 საათიანი უწყვეტი სამუშაოების შემდეგ, მეხანძრე-მაშველებმა გომის მთაზე დაკარგული სამი მოქალაქე იპოვნეს.
სალომე კაპანაძე
ავტორი