დაბალი ტემპერატურისა და თოვის გამო, მცხეთა–სტეფანწმინდა–ლარსის საავტომობილო გზაზე სატვირტო ავტომობილით მოძრაობა აიკრძალა.
ამის შესახებ report.ge-ს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტიდან აცნობეს.
" რთული მეტეოროლოგიური პირობების გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური–კობის მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია"- აცხადებენ საავტომობილო გზების დეპარტამენტში.
საქართველოში დილიდან უამინდობაა. სინოპტიკოსები არამდგრად ამინდს მომდევნო დღეებშიც პროგნოზირებენ.
ირაკლი ვაჩიბერაძე
ავტორი