კლინიკა ,,სითი მედიქალში" ექიმების მხრიდან პაციენტზე შესაძლო ძალადობის ფაქტზე შინაგან საქმეთა სამინისტრომ გამოძიება დაიწყო.
77 წლის ქალი ამტკიცებს, რომ მასზე მედპერსონალმა ფიზიკურად იძალადა.
ექიმებს ძალადობაში ადანაშაულებენ პაციენტის ოჯახის წევრებიც.
შინაგან საქმეთა სამინისტროს ინფორმაციით, აღნიშნულთან დაკავშირებით გამოძიება სისხლის სამართლის კოდექსის 126-ე და 187-ე მუხლებით დაიწყო, რაც ძალადობასა და ნივთის დაზიანებას ან განადგურებას გულისხმობს.
