საქართველოს ჯანდაცვის მინისტრის, ეკატერინე ტიკარაძის განცხადებით, ქვეყანაში საველე ჰოსპიტლების გახსნის საჭიროება არ დგას.
მინისტრის თქმით, ჯანდაცვის სისტემას ამ ეტაპზე ეპიდემიოლოგიური ვითარების სამართავად საკმარისი რესურსი აქვს.
"ამ ეტაპისთვის ჩვენ გაგვაჩნია საკმარისი რესურსები, რომ ვმართოთ ყველა პაციენტის საჭიროება. იმ შემთხვევაში, თუ გართულდა, ჩვენ გვაქვს ალტერნატიული გზებიც, როგორიც ერთხელ გამოვიყენეთ საველე ჰოსპიტალი, თუმცა დღევანდელი მაჩვენებლებით არ ჩანს, რომ ჩვენ ეს დაგვჭირდეს," - განაცხადა ეკატერინე ტიკარაძემ.
ცნობისთვის, ბოლო 24 საათში, საქართველოში კორონავირუსით ინფიცირების 1 942 ახალი შემთხვევა დადასტურდა. გარდაიცვალა 46 პაციენტი.
გამოჯანმრთელდა 4 650 ინიფიცირებული.